اہم حکومتی شخصیات کو ملنے والے تحائف کا ریکارڈ سامنے آگیا

تمام شخصیات نے ملنے والے قیمتی تحائف توشہ خانہ میں جمع کرادیے

کابینہ ڈویژن نے جنوری سے مارچ 2026 کی سہ ماہی کا توشہ خانہ ریکارڈ جاری کردیا۔

نجی ٹی وی کی رپورٹ کے مطابق سیاستدانوں اور اہم سرکاری شخصیات کو ملنے والے تحائف کا مزید ریکارڈ سامنے آگیا ہے۔

سرکاری ریکارڈ کے مطابق صدرمملکت آصف علی زرداری، وزیر اعظم شہباز شریف، نائب وزیراعظم اسحاق ڈار، چیئرمین سینیٹ اور چیئرمین نیب سمیت کئی وزراء اور اہم شخصیات قیمتی تحائف وصول کرنے والوں میں شامل ہیں۔

رپورٹ کے مطابق تمام شخصیات نے موصول تحائف توشہ خانہ میں جمع کرادیے، فہرست میں تحائف دینے والوں کے نام کا خانہ شامل نہیں۔

توشہ خانہ کے ریکارڈ کے مطابق وزیر آئی ٹی شزہ فاطمہ، وفاقی وزیر اقتصادی اموراحد چیمہ اور وزیر اطلاعات عطاءتارڑ  بھی تحائف وصول کرنے والوں کی فہرست کا حصہ ہیں۔