امن کی جانب اہم پیش رفت، امریکا کا اسرائیل اور لبنان کے درمیان فریم ورک معاہدے کا اعلان

فریم ورک معاہدے پر امریکا، اسرائیل اور لبنان نے دستخط کیے

امریکا نے اسرائیل اور لبنان کے درمیان سہ فریقی فریم ورک معاہدے کا اعلان کرتے ہوئے مشرقِ وسطیٰ میں امن کی جانب ایک اہم پیش رفت کا عندیہ دیا ہے۔

امریکی وزیر خارجہ مارکو روبیو نے واشنگٹن میں اسرائیل اور لبنان کے درمیان مذاکرات کے پانچویں دور کے بعد فریم ورک معاہدے کا اعلان کیا جس پر امریکا، اسرائیل اور لبنان نے دستخط کیے۔

مارکو روبیو نے کہا کہ لبنان کی خودمختار حکومت اور اسرائیل کی حکومت کے درمیان امریکی ثالثی اور حمایت سے ہونے والا یہ معاہدہ پائیدار امن اور سلامتی کے قیام کی جانب اہم قدم ہے، تاہم ابھی مزید کام باقی ہے۔

ادھر امریکا میں اسرائیل کے سفیر نے کہا کہ سہ فریقی فریم ورک معاہدے پر مرحلہ وار عمل درآمد کیا جائے گا اور اس کی پیش رفت طے شدہ طریقہ کار کے مطابق آگے بڑھائی جائے گی۔