پاکستان ریلویز کی اپ گریڈ شدہ ٹرین عوام ایکسپریس بھی پٹڑی سے اتر گئی

عوام ایکسپریس ٹرین کراچی سے پشاور جا رہی تھی کہ کھاریاں کے قریب حادثہ پیش آیا

پاکستان ریلویز کی جانب سے چند ماہ قبل اپ گریڈ کی جانے والی عوام ایکسپریس ٹرین بھی پٹڑی سے اتر گئی۔

ابتدائی اطلاعات کے مطابق عوام ایکسپریس ٹرین کراچی سے پشاور جا رہی تھی کہ کھاریاں کے قریب ایک کوچ پٹڑی سے اتر گئی تاہم تمام مسافر محفوظ ہیں۔

ریلوے حکام کی جانب سے ٹرین کو واپس ٹریک پر لانے کے لیے کوششیں شروع کر دی گئی ہیں، جلد ٹرین اپنی منزل کی طرف روانہ ہو جائے گی۔