بنگلادیش نے انٹرنیشنل کرکٹ میں نئی تاریخ رقم کردی

یہ بنگلادیش کی آسٹریلیا کے خلاف ون ڈے میچز میں مجموعی طور پر تیسری فتح ہے

بنگلادیش نے پہلی مرتبہ آسٹریلیا کو ون ڈے سیریز میں شکست دے کر تاریخ رقم کردی۔

تفصیلات کے مطابق بارش سے متاثرہ دوسرے ون ڈے میچ میں بنگال ٹائیگرز نے آسٹریلیا کو 5 وکٹ سے شکست دی۔

آسٹریلیا نے بارش کے سبب کھیل رکنے تک 42 اوورز میں 187 رنز بنائے۔ لبوشین 55 رنز بناکر ناٹ آؤٹ رہے جبکہ بارٹلیٹ نے 52 رنز کی اننگز کھیلی۔

بنگلادیش کی جانب سے تسکین احمد اور مستفیض الرحمان نے 3، 3 وکٹیں حاصل کیں۔

بنگلادیش کو ڈک ورتھ لوئس میتھڈ کے تحت 41 اوورز میں 192 رنز کا ہدف ملا جو اس نے 35 اوورز میں ہی 5 وکٹوں کے نقصان پر حاصل کرلیا۔

Unforgettable Win! Bangladesh defeat Australia and clinch the ODI series! The Tigers roar loud at home! 🏏 🇧🇩pic.twitter.com/0aNH0qh5Zo

سومیا سرکار اور نجم الحسین شانتو نے 42، 42 جبکہ توحید ہریدوئے نے ناقابل شکست 40 رنز بنائے۔

یہ بنگلادیش کی مجموعی طور پر آسٹریلیا کے خلاف ون ڈے میچز میں تیسری فتح ہے جبکہ یہ پہلا موقع ہے جب بنگلادیش نے آسٹریلیا کو ون ڈے سیریز میں شکست دی ہو۔

A historic milestone for Bangladesh Cricket. FIRST-EVER ODI SERIES WIN AGAINST AUSTRALIA. 🇧🇩🏏Dutch-Bangla Bank Bangladesh vs Australia ODI Series 2026#BCB#Bangladesh#Cricket#BANvAUS#Tigerspic.twitter.com/BKxzA92OrK

دونوں ٹیموں کے درمیان سیریز کا آخری ون ڈے میچ 14 جون کو کھیلا جائے گا۔