سلہٹ ٹیسٹ: مشفق الرحیم اور شان مسعود کے درمیان سخت الفاظ کا تبادلہ

امپائرز کو بیچ بچاؤ کروانا پڑا تاہم اس مختصر تلخ کلامی نے میچ میں مزید سنسنی پیدا کردی

پاکستان اور بنگلادیش کے درمیان سلہٹ ٹیسٹ کے دوران دونوں ٹیموں کے کھلاڑیو میں تناؤ دیکھنے میں آیا۔

تفصیلات کے مطابق جب بنگلادیش نے 6 وکٹوں پر300 کا ہندسہ عبور کیا تو میدان میں دباؤ واضح طور پر بڑھتا دکھائی دیا۔

وکٹ کے حصول اور رنز بنانے کی تگ و دو کے دوران ماحول میں تلخی دیکھنے میں آئی۔

بنگلادیش کے تجربہ کار بیٹر مشفق الرحیم اور پاکستانی کپتان شان مسعود کے درمیان سخت الفاظ کا تبادلہ ہوا۔

امپائرز کو درمیان میں آنا پڑا تاہم اس مختصر تلخ کلامی نے میچ میں مزید سنسنی پیدا کر دی۔

pic.twitter.com/YxcOIrlm0Y

بنگلادیش کی مضبوط بیٹنگ جاری رہی جبکہ پاکستان کی جانب سے کپتانی اور فیلڈنگ میں سخت حکمت عملی اپنائی گئی۔