لاہور سمیت پنجاب بھر میں آج سے گرمی بڑھنے کا امکان

لاہور میں آج صبح سے ہی سورج نے اپنے تیور دکھانا شروع کر دیے

لاہور سمیت پنجاب بھر سے بادل برسانے والا سسٹم آج دوپہر نکل جائے گا جس کے بعد گرمی کا سلسلہ دوبارہ شروع ہو جائے گا۔

محکمہ موسمیات کے مطابق لاہور میں آج صبح سے ہی سورج نے اپنے تیور دکھانا شروع کر دیے۔

شہر میں کم سے کم درجہ حرارت 26 جبکہ زیادہ سے زیادہ 38 ڈگری سینٹی گریڈ تک جانے کا امکان ہے۔

آئندہ ایک دو روز تک موسم گرم اور خشک رہے گا، بارش کا امکان نہیں ہے۔