ہماری انگلیاں اب بھی ٹریگر پر ہیں اور ہم ہر صورتحال کیلیے تیار ہیں، ایرانی فوجی کمانڈر

ایران کی مزاحمت نے عالمی معاملات میں نئے دور کا آغاز کیا ہے اور ایک بااثر طاقت کے طور پر سامنے آیا، علی عبداللہی

ایرانی فوجی کمانڈر کا کہنا ہے کہ ملک کی دفاعی صلاحیت پہلے سے زیادہ مضبوط ہو چکی ہے اور فوج ہر صورتحال کے لیے تیار ہے۔

ایرانی خبر رساں ادارے کے مطابق کمانڈر علی عبداللہی نے اپنے پیغام میں کہا کہ ایران کی مزاحمت نے عالمی معاملات میں ایک نئے دور کا آغاز کیا ہے اور ملک ایک بااثر طاقت کے طور پر سامنے آیا ہے۔

اسرائیل کی ایران- امریکا معاہدہ سبوتاژ کرنیکی کوشش، لبنان پر حملے کردیے

پاکستان اور ترکیہ میں اہم رابطہ، امریکا ایران مذاکرات پر بڑی پیش رفت کا خیرمقدم

ایران-امریکا معاہدہ آخری مرحلے میں؟ تہران نے حتمی فیصلے پر اہم بیان جاری کردیا

انہوں نے کہا کہ ایرانی فوج کی صلاحیتوں میں اضافہ ہوا ہے اور فوجی جوان کسی بھی خطرے کا جواب دینے کے لیے تیار ہیں اور ہماری انگلیاں اب بھی ٹریگر پر ہیں۔

علی عبداللہی نے اپنے بیان میں ملک کے دفاعی عزم پر زور دیتے ہوئے کہا کہ ایران اپنی سلامتی کے تحفظ کے لیے مکمل طور پر تیار ہے۔